Marzon təyin kardeyro Erməniston və Azərbaycan R. muzakirə

Erməniston və Azərbaycan R. de 2 qılə kişvəri miyono bo sulhi mığovilə imzo bey cəhdon əlovə bey həmzəman, tojədən marzon təyin kardeyro ıştə muzakirəon bino kardışone.

Çand kərə Erməniston ıştə umu elanış kardə be ki tosə Miladi cari sorədə, 2 qılə kişvəri miyono sulhi sazışon imzo bəbe.

Noyabrə manqi 18 minnə rujədə, Ermənistoni paytəxtədə Avropa həmkoəti və əmniyyəti təşkiloti parlamenti icma iclosi oj bemoni mərosim bərpo bıə, ım mərosimədə Ermənistoni iminnə vəzir, Nikol Paşiniyan elanış kardə: İrəvan və Boku rozi bıən ki sulhi sazışon vey muhimmə prinsipon barədə bə qıləy təvafuğ bırəson.

Bə Anatoli aqentiyəti raporti əsos, Zinə Azərbaycan Respublika xarıci vəzir elanış kardə ki Boku və İrəvani rəsmi şəxson 2 qılə kişvəri marzonədə “marzon miğdori təyin kardey komissiya 5minnə iclosi bərpo kardışone.

Im bəyoniyə ijən əlovəş kardə ki ım iclos, bə Ermniston və Azərbaycan R. iminnə vəziron rəyosəti bərpo bıə və 2 tərəf marzon miğdori təyin kardey mevzo və təşkilot və idorə məsələon barədə votımon kardışone.