Tehronədə Avrasiya xısusi 2minnə nımoyişqoh ko bino bıə

Tehronədə Avrasiya xısusi 2minnə nımoyişqoh ıştə ko binoş kardə.

Imrujku tosə 4 ruji mıddətədə Tehronədə Avrasiya xısusi 2minnə nımoyişqoh ıştə ko binoş kardə və bəvədə 100 qıləku vey, İroni ixaracati şirkət və Avrasiya iğtisodi ittifoği uzv bıə kişvəronku iştirokışon heste.

Rusiyə, Ğırğizıston, Ğəzaxıston, Erməniston və Belarusiya, Avrasiya iğtisodi uzv bıə kişvəron uvzon şomil bıdə.

Bə Tele-Rədio aqentiyəti raporti əsos, ım nımoyişqohədə enerji, nat, qaz və neft-kimya, ditəsərrufati məhsulon, maşin, ozodə məntəğəon, sənaye və bə elmi əsos bıə zıney baxşonədə, 100 qılə ixracati şirkət iştirokışon heste.

Im nımoyişqohədə Rusiyə, Erməniston, Ğəzaxıston kişvəronku xısusi ğorfəon ğolibədə iştirokışone.