Əmirəbdullahiyan: İroni hamsuyəti siyosətədə, Kaspi dıyo, vey məxsusə əhəmiyyəti soybe
İron İslom Respublika xarıci vəzir, Moskvaədə bə Kaspi dıyo ətrofədə bıə kişvəron xarıci vəziron iclosi iştirok kardey astanədə, qıləy Tıvitədə nıvıştəşe: İroni hamsuyəti siyosətədə, Kaspi dıyo, veyə məxsusə əhəmiyyəti soybe.
Zinə İroni xarıci vəzir, Huseyn Əmirəbdullahiyan, sosiyal şəbəkədə nıvıştəş be: bə Kaspi dıyo ətrofədə bıə kişvəron xarıci vəziron iclosədə iştiroki və ijən de Rusiyə xarıci vəzir və co qılə xarıci vəziron, məntəğə və 2tərəfiyə mevzuon təğib kardey xoto bə Moskva səfə bəkam.
İroni xarıci vəzir Kaspi dıyo saheli kişvəron miyonədə bənə çand tərəfiyə ticori rabitəon inkişof doə amil zınəşe və ijən əlovəş kardə: İroni hamsuyəti siyosətədə, Kaspi dıyo, veyə məxsusə əhəmiyyəti soybe.
Əmirəbdullahiyan ıştə Tıvittədə ijən nıvıştəşe de iğtisodi fırsəton və ım məntəğədə ekoloqiya behranon vıcudi, həmmə kişvəron həmkoəti vey əhəmiyyətış heste.
