Əmirəbdullahiyan Fələstini təhəvvulaton barədə, Şanxay təşkilati sərkatibi nəzəku, ğədrdonətiş kardə

İroni xarıci vəzir Huseyn Əmirəbdullahiyan de Şanxay həmkoəti təşkilati sərkatib, Janq Minq vindemonədə Fələstini təhəvvulaton barədə çəy mısbət və konstraktivə  nəzəonku ğədrdonətiş kardə.

Bə İrna raporti əsos, ım vindemonədə Huseyn Əmirəbdullahiyan de işorə bə İron İslom Respublika ticori, iğtisodi həmkoətion muxtəlifə baxşon, bə ım həmkoətion hevujəti və əhəmiyyət təkidış kardə.

Əv işorəş kardə ki Bişkek iclosədə İron İslom Respublika prezdenti iminnə muavini təklifi təşəbbus ım be ki bəpe sənaye və iğtisodi həmkoətion əcumlə ekoloqiya, tranzit, nəğliyot və investisiya mehvəron vey diğət bıbu, ijən çəy icro bey zəminədə Təşkilati sərkatib himoyə və təğibon tələbış kardə.