De Ğəfğaz mehvəriyət, İron və Azərbaycan Respublika xarıci vəziron votımon

Seşəmbə şəvədə və de telefoni votımonədə İron İslom Respublika iyən Azərbaycan R. xarıci vəziron Cənubi Ğəfğaz oxonə təhəvvulaton barədə de yande sıhbət kardışone.

Bə İrna raporti əsos, ım telefoniyə votımonədə Huseyn Əmirəbdullahiyan Erməniston və Azərbaycan sulhi muzakirəon inkişofiku ıştə himoyəon elaonış kardə və de işorə bə nezə vəomədə bə Ermənistoni ıştə səfə işorə kardey, co kərə Boku və İrəvani miyono stabilə sulhi rəseyro bə İron İslom Respublika konstraktivə cəhdon dəvomi təkidış kardə.

Azərbaycan R. xarıci vəzir Ceyhun Bayramev həm Azərbaycan R. iyən Ermənistoni miyono muzakirəon prosesədə İron İslom Respublika konstraktivə nəzəonku ğədrdonətiş kardə və ım nəzəon mısbət zınəşe iyən ıştə omu nışoş do ki nezə vəomədə 2 qılə kişvəri miyono sulhi oxonə sazış bə imzo bərəse.