Fələstiniku himoyə kardeyədə Tırkiyə milləti mitinq

İran Peres: anti sionist rejimi aksiya və qırdbemon dəvomədə iyjən Fələstini millətiku himoyə kardey cəhəto, Ankaraədə Tırkiyə millət mitinq pərpo kardışone.

Bə Ğəzzə tanqə ələyh sionist rejimi canqiku təğribən 80 ruj dəvardedə. Tojədən Səhiyyə  vəzorətxonə elonış kardə ki Fələstini şəhidon miğdor bə 20 həzo 424 nəfər şəhid əlovə peydoş kardə və zəxmin bıə kəson miğdor həm bə 54 həzo 36 nəfər rəsə. Im qıləy holədəy ki sionist rejim de Amerkə himoyə həmçınan bə Fələstini ələyh bəştə cinoyəton dəvom dodə, muxtəlifə kişvəronədə əcumlə Tırkiyədə, millət de aksiya bərpo kardey vositə, Ğəzzə məzlumə millətiku ıştə himoyəon elon kardedən.

Bə İran Peres aqentiyəti raporti əsos, Fələstini millətiku mitinq bərpo kardeyro Tırkiyədə mədəni təşkilaton millətiku dəvət kardey bəpeşt, tojədən Tırkiyə millət Ankara şəhri Anadoloy meydonədə de qırd bemoni vositə, Ğəzzə məzlumə millətiku himoyə kardey, sionist rejimi cinoyəton məhkum kardey və Ğəzzədə Fələstinıjon etosniye oqətey tələb kardışone.

Tırkiyə millət həminə anti Amerkə və Anti israili mitinqədə təkid kardışone de sionist rejim Tırkiyə harcurnə rabitəon və sazışi məhkum kardedəmon.