Yanvari əvvəliku İron bə BRİKS qrup umuj bəqıniye

BRİKS qrupədə Cənubi Afrika nımoyəndə Anil Sokolal votışe: ımrujiku yəni Miladi 2024 minnə sori Yanvari əvvəliku İron, Ərəbiston, İ Bıə Ərəb Əmirəti, Misr və Efiopiya bə ım qruq umuj bəqıniyən.

Bə İrna raporti əsos, Sokolal de işorə bə Dekabri əvvələ rujonədə Cənubi Afrikaədə BRİKS-i oxonə iclosədə, İron, Ərəbiston, İ Bıə Ərəb Əmirəti, Misr və Efiopiya vey barzə nımoyəndəon iştirok, təkidış kardə: de ım kişvəron umuj qıniye BRİKS-i uzvon 2 bərobər bəbe.

Əv ijən əlovəş kardə:ğərore ki vəomə iclosədə BRİKS-i tojə uzvon nımoyəndəon həm iştirok bıkon.

Isət 22 qılə kişfər bə BRİKS-i uzv bıeyro rəsmi ovardışon kardə və ijən daha 22 qılə məmləkət bə ın alyansi umj qıniyero interseışon heste.

Həmçinin, bumi valyutəon və de uzv bıə məmləkəton ticorət həm çı BRICS-i rujnomədəy.ın amilon bənə İroni inkişof kardə holədə bıə kişvəron bə diyaloq və həmkoəti əsosə bıə onemonədə qlobal ticorətədə ziyodə baxş bə dast vardero bə BRICS-I uzvətiro murociət kardəşone.İron bə BRİKS-i uzvətiro ovard kardə iminə məmləkətonku qıləyniye.

Umumi daxili məhsul, əhali, ərazi, təbii sərvət ehtiyoton,çəy region və dınyoədə siyosi və təmniyyəti rol,de uzv bıə kişfəron əloğəon zumand kardey amilon,bə BRİKS-nuyə uzv ğəbul kardeyro meyar və  kriteriyəonin;Təbii ki qırd  BRİKS-I uzvon İroni bə ın alyansi uzvəti dastək doəşone və xususən Çin və Rusiya çı nuyə məmləkəton uzvəti zəruri bıey ğeyd kardə holədə,İroni bın ixtisodi qrupədə iştirok kardey potensiali malikblıə kişfəronku qıləyni hisob kardəşone.

Bın nezonədə bə Şanxay HəmkoətiTəşkiloti uzv bıə bo İron İslom Respublikə bə BRİKS-I umuj qıniye de regional təşkiloton siyosi və kommersiya rabitəon zumand kardeyro qıləy tədbir bə hisob beydə.