Lisari şəhrədə noməlumə şəhidi dəkandə vırə soxtey əməliyot bino bıə
Nov 05, 2025 14:23 Asia/Tehran
Lisari şəhrədə noməlumə şəhidi dəkandə vırə təsis bey əməliyot de ım şəhri məhəli və lokal rəsmi şəxson iştiroki bino bıə.
Im mərosimədə Lisari şəhrdor, bə ım plani icro bey təkid kardey bəpeşt vtışe: ım məenəvi vırə təsis kardey, inkişof doey və ğəşənq kardey, Lisari şəhrdori mədəni prioritetonku bə hisob omeydə və de mərdumi və inğilobi təşkilaton həmkoəti əncom bəbe.
De Həzrəte Fatimə Zəhro(s) şəhodəti sorəqardış və nomış məlum nıbıə şəhidi ruji həmzəmon, Kərqanrud baxşədə Lisari aftab nomo parkədə iyən Tolış şəhrıstoni İslomi ozodi ali məktəbədə 2 qılə buzurqvarə şəhidon pokə bədən ki çəvon nomışon məlum nıbıə şəhidonkuin, dəkandə bəbe.