Livaniku Həzrəte Ayətullah Xamenei rəvoyətədə, "Esmeralda" xəncəri sır

Bo muğaviməti be siloh kardeyro mıvcudə təziğon miyonədə, Livani muğaviməti zumandəti vəomə, co kərə bə qıləy ciddiyə mıvzo təbdil bıə.

Əmmo dəvardə soronədə Həzrəte Ayətullah Xamenei Livani əmniyyəti hisob-kitobədə muğaviməti roli barədə məxsusə nəzəş heste be.

Milodi 2010 mminnə sori Martə manqədə Tehronədə Livani həmonə zəmoni iminnə vəzir Səed Həriri de ə Həzrət vindımonış karde.

Həmonə vindımoni cərəyonədə, vaxti ki muğaviməti silohon barədə sıhbət bıə, Ayətullah Xamenei sual kardışone: Ağaye Həriri, aya Notr-Dami urinpeşti nomo kitobi handeydən?

Ayətullah Xamenei həminə kitobi şərh doey əlovə, Esmeraldaku sıxan votışe: qıləy vey ğəşənqə jen ki vey kəson çəy soyb bey dumoədə bin.

Ə Həzrət votışone ki zırək və hiləkorə Esmeralda, həmişə boştə mudafiə kardeyro, dəy qıləy xəncər bə ico be.

Peşo İroni Rəhbər, Livani Meditəranə ya Arəvonə dıyo vəyə tarifışon karde; həmonə ğəşənqə kişvər əmmo təhdidon və təməkorəti məerəzədə.

Ə Həzrət muğaviməti silohon bənə həmonə xəncəri mandey tarifışon karde.Təhliləkəyon jığo voteydən ki həminə məsəli vardey mesaj vey ruşin be: ehanə Livan, ıştəku mudafiə əbzori soyb nıbu, çəy ğəşənqətion, çəy əmniyyəti təmin kardedə ni.Isət 16 sor həminə sıxaniku dəvardey, həmonə xəncər, co kərə Amerkə İ Bıə Ştaton, israil və co qılə məntəğə rol ifoəkə kişvəron diğğəti mərkəzədə ğərorış qəte.

Əmmo aya əvon de həminə təziğon vositə, "Esmeralda" ıştə xəncəriku co kardey bəznen?