Rusiyə prezdent Kermanədə terroristiyə hodisə məhkumış kardə

Rusiyə prezdent, Veladimier Putin qıləy bəyoniyədə Kermanədə terroristiyə hodisə məhkumış kardə.

Zinə əsrədə İslomi İnğilobi Sepah təşkilati Ğuds ğıvvə nakonə komandir Qeneral Ğasım Suleymani şəhodəti sorəqardışi mərosimədə və bə İroni cənub, Kermani Qolzare Şuhəda rəsey royədə, ım mərosimi zayiron miyonədə 2 qılə terroristiyə tepımon əncom bıə ki bois bıə 103 nəfər şəhid və 211 nəfər həm zəxmin bıbun.

İroni devləti heyət, ımruj Pencşəmbə ruji kişvərədə umumiyə əzo elanış kardə. həminə cəhətədə kali kişvəron yolon və rəsmi şəxson de bəyoniyə muntəşir kardey vositə, İroni Kermanədə ım hodisə de şiddətin məhkumışon kardə.

Rusiyə Prezdent Veladimier Putin, həmmə curnə, terrorizmi məhkumış kardə iyən bə Kermanədə terroristiyə həmlə əncom bey xoto, bə İslomi İnğilobi Yolə Rəhbər, Həzrəte Ayətullah Xamenei təsliyət votışe.

Putin ijən təkidış kardə: ğeyri hərbiçiyon ğətli-am kardey ki ıştə əzizon ğəbiku osə ğandey holədə bin, qıləy şokəkə deşməni və zılm b hisob omeydə.