Azərbaycan Respublika reaksiya bə Ermənistoni təhdidon.

Azərbaycan Respublika mudafiə vəzarətxanə bə Ermənistoni təhdidon reaksiya nışoş do.

Bə islam Azəri sayti raporti əsos Azərbaycan respublika mudafiə vəzarətxanə çı Ermənistoni prezidenti tojə təhdidon barədə elanış kardə: Ermənistonədə parlamentiyə səçıni nız bey xoto Serkisiyan pidəşe de Buko təhdid karde çandə tojə imtiyazon bıstəno.

Tojədən xəbə omə ki Ermənistoni prezident Serj Serkisiyan bə Ğərəboğ səfər karde cərəyonədə elanış kardə ki ım kişvər har zəmon ki lozim bıbu bə Azərbaycan Respublika əleyh Eskəndər nomo bıə balıstik rəkıtiyə sistemiku istifodə bəkay.

Eskəndər nomo bıə rəkıtiyə sistemi ğabeliyətonku ıme ki həmzəman bə 2 qılə hədəf rəkıt ğande bəzne və co tərəf detosə 400 kilometr məsofət bəznə bə hədəfon hucum bıkə.

Rusiyə mudafiə vəzarətxanə Eskəndəri bə Erməniston doəşe.