Tehronədə Asiya Həmkoəti Diyaloq Forumi uzvkişfəron səfiron dido

İroni xarici koon vəzərotxonə ixtisodi diplomatiya vəziri muavini iştiroki Tehronədə Asiya Həmkoəti Diyaloq Forumu səfiron iclosı dəvordıney bıə.

Asiya Həmkoəti Diyaloq Forum (ACD) 2002-ə sori icod bıə və çəy katibəti Kuveytədəy.35 məmləkət: İron,Tayland,İndoneziya, Malayziya,Filippin, Bruney, Sinqapur, Kamboca, Vyetnam, Myanma, Laos, Nepal, Rusiya, Tırkiyə, Yaponiya, Çin, Monğoluston, Cənubi Koreya, Hindiston, Əfğanıstan, Pokistan, Banqladeş, Şri-Lanka , Butan, Kuveyt, Bəhreyn, Səudiyyə Ərəbiston, Ğətər, İƏƏ,Oman, Fələstin, Ğazaxıston, Uzbəkiston,Ğırğızıston və Tacikiston çı Asiya Həmkoəti Diyaloq Forumi uzvonin.

Bə (İSNA) məlumoti əsos,8 yanvar 2024-ə sori İroni xarici koon vəzərotxonə ixtisodi diplomatiya vəziri muavini Mehdi Səfəri Tehronədə bə Asiya Həmkoəti Diyaloq Forumi (ACD) uzv məmləkəton səfiron və diplomatonış ğəbul kardə.

Bın didioədə çı Asiya Həmkoəti Diyaloq Forumi 2002-ə sori ofəyə bıə rujiku tosə ısət fəoliyyəton xulosəşon təğdim kardə.çın forumi sədrəri zəmonədə çı İron İslom Respublikə proqramon həm iştirokəkəyon dığğəti rosney bıə.

Tehronədə Asiya Həmkoəti Diyaloq Forumi səfiron vondemoni bədiqə Tehronədə bərpo bıə didoədə iştirok kardə səfir və diplomaton çı forumi çərçivədə həmkoətiyon inkişof doey roon, uzv kişfəron İronədə jiyə səfirətiyon moyono de həmkoətiyon mexanizmon əloğədor ıştə fikonışon votə.

İron İslom Respublikə 2023-ə sori pozə fəsliku 1sori mıddətədə bə Asiya Həmkoəti Diyaloq Forumi sədrətiş kardə.