Ermənistoni hınə soyb: İroni nımoyişi hınəon, vey curbəcurin
İroni fəcr teatri beynəlxalğə festivali 42 minnə təlimi mərkəzon baxşi Ermənistoni təlim doə kəs, de işorə bə Ermənistonədə İroni hınə soyb bıə kəson veyə icraon İroni nımoyeşi hınəon vey curbəcur zınəşe.
Bə İrna raporti əsos, Ermənistoni teatri direktor iyən təlim doə kəs, Armen Serkisiyan artisti təxəssusi təlimi mərkəzi iminnə iclosi kənoədə de "Qrotfeski və Çəxof" artisti metodon muğaisə unvani ki zinə Dışəmbə Tehronədə şəhri teatr mərkəzədə bərpo bıə, bə İron ıştə səfəriku ıştə rizoyəti elonış kardə və votışe: vey xuşhalim ki ım təlimi mərkəz de veyə bə artisti meylışon be şəxson iştiroki bərpo kardıme.
Serkisiyan ijən bəyonış kardə: vaxti ğəror bıə ki Fəcri festivalədə mərkəz icod bıkəm, bə ğərol omim ki qıləy mevzu vıjniyə bıkom ki teatri tərəfdoronro vey cazibədor bıbu, bə çəy xoto bə çeme nəzə omə ki artisti baxşədə mevzuon intixob bıkom.
