İroni həvo səmti əmnə marzonku Pakistoni təyyorəon pəre sənibəton əncom bıə
De Tehron və İslom Abadi rabitəonədə de mısbətə təhəvvulaton həmzəman, İroni həvo səmtiku Pakistoni təyyorəon dəvardey sənibəton əncom bəbe.
Pakistonədə bə terroriston baza, İroni həmlə bəpeşt və mıtəğabilədə İronədə bə çand qılə marzi məntəğə Pakistoni həmlə bəpeşt, 2 qılə kişvəri kanə rabitəonədə problemoni icod bıə əmmo 2 qılə kişvəri rəsmi şəxson bə daveon ziyod bey vəy qətey zərrurət təkid kardışone. çımiku bəpeşt 2tərəfi rabitəonədə daveon kam bey barədə de Tehron İslom Abadi təvafuğiku xəbəş do.
Həminə holədə və ım hodisəon bəpeşt, kali Pakistoni mediyaon iddioşon kardə ki ım kişvəri ğeyri hərbi aviyasiya təşkilat ıştə daxıli təyyorəonku tələbış kardə ta bə məğsəd rəseyro İroni royku məşən.
Bə İrna raporti əsos, bə Ğərbi Asiya və Mərkəzi Asiya məğsəd, xususi Farsi Korfezi kişvəron səmt, İslamabad, Kəraçi və Lahoriku de İron İslom Respublika həvoiyə marzonku dəvardey əncom bıə.
