Bə Cinoyət Məcəllə ziyodətiyon kardə be

De İlham Əliyevi 30 dekabr 2023-minə sorədə imzo kardə, 19 yanvar 2024-minə soriku bə ğıvvə nıştə ğanuni bə Cinoyət Məcəllə 281-1 iyən 284-2-minə maddon ziyodətiyon kardə bən. Dın maddon kardə cinayəton istintağ ko bə Devlət Əmniyyətə Xıdməti aspardə bedə.

Tolish Media: Cinoyət Məcəllə 281-1-minə maddə əsasən, Azərbaycani ərazi dırıstəti poə karde səmtin atributon iyən ya simvolon numayiş kardee, pevolo karde, hozzo karde, bə daşt varde, oğəte, kırnie iyən ya novnie qorə cinayət məsuliyyəti muəyyən kardə bə:

“Bın əməlo qorə tosə 5 sori ozodətiku məhrum kardə cəzo nəzərədə qətə bə. Həmonə əməlon de xarici təşkilaton iyən ya çəvon numayəndon asparde kardeədə isə 7 soriku tosə 12 sori mıddət ozodətiku məhrum kardə cəzo doə bəbe”.

Məcəllə tojə 284-2-minə maddə isə muharibə vaxt iyən ya dave şəraitədə Silohinə Ğıvvon şəxsi heyəti, hərbi silah, sursat iyən ya hərbi texnika hərəkəti, yaxud dislokasiya həxədə məlumaton pevolo karde qorə cinayət məsuliyyət nəzərədə qətə bə:

“In əməlon kardə xonəxon 3 soriku tosə 6 sori mıddət ozodətiku məhrum kardə cəzo, bə qonə nəticon səbəb beədə isə 5 soriku tosə 8 sori mıddət ozodətiku məhrum kardə cəzo bəsten”.