Dəm ğaziku marde holon vey bən.

2024-minə sori yanvarə manqədə dəm ğaziku zəhərin iyən marde vey be barədə Sər Prokuratura mətbuat xıdməti məlumatış pevolo kardə. 

 Bə Tolish Media sayti nıvıştəyon əsos, dəvardə həftədə Qeygelədə Minayə Məmmədova iyən əçe kinə Ayqun Məmmədova, Lankonədə Murad Cəfərov de istə jimoni həmro həyat Bənuvşə Cəfərova, Bokuədə Əli iyən Sərxan Həsənov dı boon dəm ğaziku tasən. 
 
Sər Prokuratura doə məlumatədə, dın koon band hadison qınə ərazionədə rayon prokuraturonədə cinayət koon bino kardə be, tədğiğat bardə be ğeyd kardə bedə. 
 
Yanvari 25-də meyton peydo bə ADA Universiteti huquq fakultə 4-minə kursi tələbə, 22 sininə Sərxan Həsənov iyən əçe 23 sininə boə Əli Həsənovi tase band Nərimanov rayon Prokuraturadə de Cinayət Məcəllə 314.3 (səhlənkorəti, dı iyən həniən vey xonəxo marde səbəb beədə) maddə cinayət ko bino kardə bə.