Mustəntıği taxsiko zınə xonəxoku bexəbə çəy nomo bıə sənədonış imzo kardə

Yevlax əji bə nıkardə cinayəti qorə sorinim təqib kardə be votedə. Rayoni Qaraməmmədli di əji Sabir Vəliyev, ey bə nıkardə cinayət ko qorə sorinim təğib kardə be iddio kardə. 

 Bə Tolish Media sayti nıvıştəyon əsos, 40 sininə Sabir Vəliyev ıştə diədə de kaşte məşğule. 1 sor bə nav Yevlax Rayon Məhkəmədə hakim Ruslan Əlizadə çəy həxədə ittihom hukmış bekardə. Əv, di təsərrufat təyinatinə zəminon zəbt kardeədə – Cinayət Məcəllə 188-minə (zəmini səpe mılk, istifadə və ya icarə huğuği darışte ) maddə taxsiko zınə bə, 3 sor 6 manq ozodətiku məhrum kardə cəzoş sə. 
 
Çəy, Qaraməmmədli di əlidə xonəxo 1 hektar 10 sot iyən bələdiyyə 58 sot di təsərrufat təyinatinə zəmini zəbt karde iddio kardə bə.. 
Əmmo Sabir Vəliyev hiç ki zəmini zəbt nıkarde, ın sahon sıftə bə icarə peğəte, peşoən hıriye votəşe.