İron, Tırkiyədə bıə terroristiyə həmlə məhkum kardə

İroni İslomi Respublika xarıci vəzorətxonə sıxənəvot, Tırkiyə İstanbulədə bə məhkəmə bina terroristiyə həmlə məhkumış kardə.

Seşəmbə rujədə İstanbulədə bə Çaqlayan məhkəmə səmt, silohinə şəxson qullə ğandey cərəyonədə 2 nəfər Tırkiyə polisi ğıvvə zəxmin bıən. silohinə hucum kardə kəson həm de Tırkiyə polisi ğıvvon vositə kıştə bin.

Həminə cəhətədə bə İrna raporti əsos, Zinə Çoşəmbə İroni xarıci vəzorətxonə sıxənəvot, Nasır Kənani İstanbulədə bə Tırkiyə məhkəmə bina terroristiyə həmlə reaksiy anışoş do və de terrorizmi nəhsə qrupon mubarizə bardeyədə de Tırkiyə bıvə və dustə kişvəri vəhdət təkidış kardə.

Kənani ijən de ım terroristiyə həmlə zəxmin bıə kəson ailəon hamdardi və ım hodisə zəxmin bıə kəsonro şəfo tələbış kardə.