Ermənistoni hakımiyət və ərazi təmamiyyətiku İroni himoyə
İrəvanədə İron İslom Respublika səfir, Ermənistoni hakımiyət və ərazi təmamiyyətiku himoyətış kardə.
Bə Təsnim aqentiyəti raporti əsos, Seşəmbə rujədə, Ermənistonədə İroni İslomi Respublika səfir Məhdi Subhani, Ermənistonədə de mediyaədə koəkəyon xəbəiyə iclosədə elonış kardə: İron, Ermənistoni hakımiyət və ərzi təmamiyyətiku himoyə kardedə və bənə dəvardə hozzoe ki həmkoətion inkişofiro ıştə həmmə imkanatonku istifodə bıko.
Subhani ijən İron və Ermənistoni rabitəon barədə həm votışe: İron de hamsuyə və məntəğə kişvəron balanc siyosətış heste.
Ermənistonədə İroni səfir ijən əlovəş kardə: 2 qılə kişvəri miyono rabitəon və ticori miğdor xususi iğtisodi və strukturon baxçonədə həmkoətion hevuj və bənav şey holədəy və 2tərəf həmişə yande kənoədə hestin.
Subhani ijən dəvomədə Ermənistoni cənubədə bə Zənqzuri koridor ki Azərbaycan R. və Tırkiyə səmtiku təklif bıə, işorəş kardə və votıeş: İron deştə hərəkəton vositə nışoş do ki ım məntəğədə hiç qılə qeopolotiki əvəzon tov nıbəvarde.
