İlham Əliyev Ermənıstoni təhdidış kardə.

Ermənıstoni przidenti tojə təhdidon bəpeştə İlham Əliyev votışe: əqə lazim bıbu əmə həm ıştə hərbi zumandətionku istifodə bəkamon.

Bə Azərtac aqentiyəti raporti əsos, Azərbaycan Respublika preziden bə Ğərəboği sərhəddon səfər karde cərəyondə votışe: çəmə hərbi ğudrətonku fəğət vey kamə hissə dəvardə daveonədə istifodə bəy əmmo əqə lazim bıbu ıştə həmmə hərbi ğudrəti nışo bədamon.

İlham Əliyev əlovəş kardə Ermənıstoni hıstımoni dəvom pəydo karde bə çın kişvəri rəftoron əv həm çoknə bə hamsoyə kişvəron ehtırom karde vabəstəy.

Azərbaycan Respublika prezident ijən bə Buko dıvlət iyən hərbiyon ğudrət həmçınin ıxtiyorədə bıə hucuməkə inkişofinə silahon ışorəş kardə və Ermanionış bə hərbi iyən əxloği əslon rəoyət karde dəvətış kardə.

Tojədən xəbə omə ki Ermənistoni prezident Serj Serkisiyan bə Ğərəboğ səfər karde cərəyonədə elanış kardə ki ım kişvər har zəmon ki lozim bıbu bə Azərbaycan Respublika əleyh Eskəndər nomo bıə balıstik rəkıtiyə sistemiku istifodə bəkay.

Eskəndər nomo bıə rəkıtiyə sistemi ğabeliyətonku ıme ki həmzəman bə 2 qılə hədəf rəkıt ğande bəzne və co tərəf detosə 400 kilometr məsofət bəznə bə hədəfon hucum bıkə.

Rusiyə mudafiə vəzarətxanə Eskəndəri bə Erməniston doəşe.