Ermənistoni xarıci vəzir: bə NATO anqıl qıniye hədəfımon ni

Ermənistoni xarıci vəzir de işorə bə de NATO hərbi koalisiya Ermənistoni hevujə həmkoətion ijən əlovəş kardə: NATOədə uzv bey, Ermənistoni koədə ni.

Bə İran Peres aqentiyəti raporti əsos, Ermənistoni xarıci vəzir Ararat Mizoriyan votışe ki ım kişvər, muxtəlifə baxşonədə əcumlə de NATO hərbi koalisiyasulh mərominə heyəton həmkoəti kardedə, əqəçı bə ım koalisiya varid bey ğəsdış ni.

Spotnik aqentiyəti həminə barədə raportış do ki Mizoriyan de Argentina TN kanali votımonədə votışe: holihazırədə əmə de NATO həmkoəti kardedəmon, silhmərominə fəaliyətonədə həmkoətimon heste, Əfğanıstonədə həm faliyətımon be, NATO-ədə anqel qıniye çəmə koədə ni.

Mizoriyan ijən əlovəş kardə ki İrəvan, Amerkə və Avropa ıştə vey muhimmə şərikon zıneydə.

Ermənistoni xarıci vəzir ijən bəyonış kardə: holi hazırədə əmə de Avrpo ittifoğ və Amerkə siyosi votımon və iğtisodi rabitəon nığıl kardey holədə hestimon.əmə cəhdımon heste ki ıştə əmniyyəti əlovə bıkon, ijən cəhd kardedəmon ki demokratiya roy bə inkişof bırosnəmon.