Tırkiyədə Ğəzzə millətiku himoyə kardey mitinqon dəvom
Bə Fələstini məzlumə milləti ələyh israili irğçi rejimi har rujnə cinoyəton, Tırkiyə milləti etırozon dəvomədə co kərə, çand həzo İstanbuli millət Ğəzzə sakinonku himoyə kardeyədə bə xiyabonon omin.
Tırkiyə milləti etırozon prossesi dəvomədə, İstanbulədə çand həzo nəfər mitinqədə iştirokışon kardə iyən Ğəzzə millətiku ıştən himoyə elon kardışone.
Im aksiya bə Ğəzzə milləti mıhosirə etırozədə və bə ım məntəğə mıhosirə peqətey xoto ijən sionist rejimi işğoliku Fələstini sərzəmini ozodiro bərpo bıə. etırozəkəyon şuaroni əcumlə israili məhv bey və Fələstini səbarz bey doşone.
Dəvardə manqon mıddətədə çand da nəfər Tırkiyə millət bə israili zid hevujə aksiya bərpo kardışone, Tırkiyə millət Ankaraədə hakimonku tələbışon kardə ki de israili irğçi rejim həmkoəti və həmroəti nıkon.
Eyne holədə Tırkiyə İstanbulədə anti seonist rejimi aksiya qıləy şəroyetədə bərpo bıə ki çimiku bənav, İstanbulədə, İsmail Həniyyə de HƏMAS-i hərəkəti co rəhbəron bə ico, de Tırkiyə prezdent Rəcəb Təyyeb Ərdoğan vindemonış kardə be.
