Hesabatə Palata devlətə muəssisonədə xeyli maliyyə nırəsəyon bə oşko bekardəşe

Az.R Hesabatə Palata "Aqrolizinq", "Azəriqaz" və Milli Elmon Akademiyadə bardə təftişi nəticon elan kardəşe. Im palata 2014, 2015 və 2016-minə sori 6 manqi maliyyə əməliyyaton təftiş kardəşe. Im muəssison har 3 qılədə xeyli maliyyə noğsanon bə dim beşən.

"Aqrolizinq"ədə bə ziyodə məsrəfon, di təsərrufati texinki vasiton  lizinqədə bə maliyyə darıştəyon ro doəşone.

"Azəriqaz"i budcə vəsaiton məsrəfədə bə devləti ğanunon əməl kardəş ni. Hasil bıə ğazi təbii qin be 5% nişon doəşone ki, ımən dınyo səviyyəsən 5 kərə veye. Muəssisə rəhbəriyyət ımi de soveti devri ğazə lulon kanə be izah kardedə. Natəvonon Huğuğon Mudafiə Komitə sədr Mirvari Ğəhrəmanli isə votedə ki, əqər ğazə lulon kanə bənbu ey vaxtədə de tojə lulon əvəz karde lozimbe ki, anədə ğaz bə hədər tələf nıbo.

Hesabatə Palata Azərbaycan Milli Elmon Akademiyadən xeyli maliyyə noğsanon bə oşko bekardəşe. Orəxnə 2 sor 6 manqi 46 milyon 390 həzo mənot vəsait təftiş bıə. Auditi ım məbləği məsrəfədə devləti ğanunon xeyli miğdarədə darıştə fakton muəyyən kardəşe.

Bə jıqo maliyyə noğsanon ro doə vəzifədarə şəxson bə məsuliyyət cəlb karde nəzərədə qətə bedə. Hesabatə Palata ım auditi nəticon barədə bə MM məlumat təğdim kardəşe.