Erməniston,çe NATO inkişofi siyosəton ğıboni
Rusiyə Tolışon inkişofi mərkəzi sədr votışe: Ermənistoni iminnə vəzir, ğərbi pozelədə hənək kardedə və çəy kişvərış, Nato inkişofinə siyosətonro ğıboni kardəşe.
Rusiyə Tolışon inkişof mərkəzi sədr, İsmail Şəbanov de Tolışi Rədio ixtisosiyə mısohibədə əlovəş kardə: Ermənistoni devlət, Cənubi Ğəfğaz məntəğədə Nato sakin bey cəhəto, bə ğərb xıdmət kardey holədəy.
Şəbanov ijən Ermənistonədə Nikol Paşiniyani bə ko mandeyro bə Britaniya rol işorə iyən təkidış kardə: ğərb de Zəngzor dəhlizi icod kardey vositə, məntəğəku Rusiyə ixroc kardey hədəfış heste.
Tolışon koonədə Rusiyə prezdenti muavin ijən Cənubi Ğəfğazədə bə Rusiyə siyosəton əvəz bey işorəş kardə və votışe: de diğğət bə Ukrayna canq Rusiyə de şiddətin mığətış heste ki ğərbi tojə xəbisə planon tələədə qiriftor məbo.
İsmail Şəbanov ijən Ğərəboği Ermənion avarə kardeyku ıştə tənğidon elonış kardə və Ermənistoni siyosəton əvəz kardeyədə bə ım kişvəri milləti rol təkid və əlovəş kardə: bə Buko-İrəvani marzi tojə ğərolon və məntəğəku Rusiyə sulh mərominə ğıvvon xarıc bey xoto, Cənubi Ğəfğazədə təhdidon kam bıə ni.
