Əmirəbdullahiyan: Əfğanıstonədə Amerkə mıdoxiləon dəvom,ım kişvəri vəziyəti vey mırəkkəb kardedə

İroni xarıci vəzir votışe: Əfğanıstoni daxıli məsələonədə Amerkə mıdoxiləon dəvom, ım kişvəri vəziyəti vey mırəkkəb kardedə.

Bə İrna raporti əsos, İroni xarıci vəzir Huseyn Əmirəbdullahiyan de Əfğanıston koonədə İ Bıə Milləton Təşkiloti sərkotibi nımoyəndə, Xanım Roza Ətenbayeva vindemonədə təkidış kardə: İron İslom Respublika deşət cəhdi ,Əfğanıstonədə stabilə inkişof və əmniyyəti barədə neziku ıştə hamsuyə kişvəri əvəzon de diğğəti təğib iyən bə Əfğanıstoni milləti komək kardey cəhəto İ Bıə Milləton Təşkiloti roliku himoyə kardedə.

Əmirəbdullahiyan dəvardə 20 sori mıddətədə Əfğanıstonədə İ Bıə Milləton Təşkiloti hərəkəton mısbət zıneydə və humanitarə fəaliyəton dəvomiku bə İron İslom Respublika himoyə təkidış kardə.

İroni diplomatiya təşkiloti yol, ijən de işorə bə İronədə Əfğanıstoni çand milyonə şahrvandiku mizboni İ Bıə Milləton Təşkiloti ciddi diğğəti bə ım məsələ tələbış kardə.

Xanım Roza Ətenbayeva həm Əfğanıstoni məsələon və oxonə təhəvvulaton iyən Ğətərədə Doha 3 nomo vəomə iclosi izo doey  bəpeşt, Əfğanıstoni şahrvandonku İroni millət və devləti çokə mizbonəti və çəvon vəziyəti çok beyro, əncom bıə cəhdonku ğədrdonətiş kardə və Əfğanıstonədə insoni behroni barədə beynəlxalğə ictima betafufiku tənğidış kardə.