Pokistoni kişvər umumiyə əzo elonış kardə

Pokistoni iminnə vəzir, Şəhboz Şərif ıştə İKS nomo səhifədə, İroni prezdenti şəhodəti təsliyət votışe və elonış kardə: bə İroni prezdent iyən deay bə ico bıə heyəti şəhodəti ehtıromi iyən de bıvə İroni vəhdəti Pokistonədə 1 ruj umumiyə əzo bərpo bəbe və çəy pərçəm saru vardə bəbe.

Şərği Azərbaycan ostani Vərzəğan məntəğədə iyən İroni prezdenti vertəliyotiro icod bıə hodisədə milləti xadim, Seyd İbreym Rəyisi və deəy bə ico bıə heyət şəhid be.

Bə İrib raporti əsos, İroni prezdent ki zinə Şərği Azərbaycan ostanədə çand qılə proyekti bə istismor rosniyeyro bə ın ostani səfəş kardə be, çəy helikopter suğutış kardə.

Qıləy holədə ki imdodi təşkilot və ğıvvon i minnə ləzəku ıştə koy bıno kardışone, oxoysə millət və imdodəkəyon de İronıjə dronon vositə hodisə vində vertəliyoti pəydo kardışone.

In hodisədə İroni xarıci vəzir Huseyn Əmirəbdullahiyan, Təbrizi imom cumə Ayətullah Seyd Muhəmməd Əli Ali- Haşim və Şərği Azərbaycan ostani ostandor Malik Rəhməti həm şəhid bin.

Şəhidon təşi mərosim elon bəbe.