Tırkiyədə anti israili etırozon dəvom

Fələstini işğol bıə sərzəminonədə sionist rejim ıştə hərbi siyosəton və hırdən əkıştəti dəvom dodə iyən Tırkiyə millət deştə meyli əsos, bə ım hərəkəton ijən etıroz kardedən.

Həminə cəhətədə, Tırkiyə millət İstanbulədə sionist rejimi kunsolqəri vədə de mitinq bərpo kardey vositə, co kərə bə Fələstini mısılmonə milləti ələyh bə israili irğçiyə siyosəton ıştə etırozon nışo doşone.

İstanbulədə israili rejim kunsolqəri vədə, etırozəkəyon Rəfəhədə ım irğçiyə rejimi cinoyəti cəvobədə kunsolqəri bina otəş jəşone.

Etırozəkəyon sıxənəvot, Məhmud Kar həminə barədə elonış kardə: 8 manq bəbe ki bə Ğəzzə bemudafiə milləti ələyh, israili həmləon dəvomış hesteş. dınyo həmmə kişvəron bəpe deyande i bıbun və Ğəzzədə bə Fələstini mısılmonə milləti ələyh israili veyə cinoyəton mane bıbun.

İstanbulədə anti israili aksiyaon Ğəzzə tanqədə israili har rujnə cinoyəton ələyh mısılmonə milləton kin-kudorəton vey nığıl bey be.

Ğəzzəku bə Fələstinı devləti məlumat ərosnə dəftərxonə elani əsosi sionistə işğalqərə  silohinə ğıvvə dəvardə 24 saatdə Rəfəh şəhrədə Fələstinıjə avərəon vırə kardə məhəlli 10 qılə mərkəzisə veyə vıronış bombardımon kardə ki nəticədə 190 nəfərisə veyə fələstinıj şəhid bedən.