Tırkiyə: israil bəpe bə anti bəşəri cinoyəton xoto, cəvob bıdə

Tırkiyə rabitəon direktor, israili tuməbırə rejimi bə hərəkətoni dəvom doey mıttəhəmış kardə ki çəy muhimmə xusiyət, anti Fələstinıjon bəşər həxon darşiye və daimə vızməti kardeye.

Bə İsna aqentiyəti raporti əsos, Tırkiyə rabitəon direktor Fəxruddin Alton de bəyon ım ki israili tuməbırnə rejim bəpe anti bəşəri cinoyəton xoto mıhokimə bıbu, ijən təsdiğış kardə: israil, beqınohə milləti ars və xuniro, təməkorə təşiş hest. qıləy ğatilə rejim Telavivədə mıvcude ki dınyo çəşon vədə tuməbırnə cinoyəton əncom dodə.

Alton ijən votışe: beynəlxalğə ictima karde zınəş ni ki Ğəzzə tanqədə bə behroni cəvob bıdə.

Tırkiyə rabitəon direktor ijən sionist rejimi siyosətədə bə insoni jimon diğğət nıkardey de şiddətin tənğidış kardə və ım məsələ, behəyo bey, dəhşətin və nifrətin zıneydə.

Ğəzzəku bə Fələstinı devləti məlumat ərosnə dəftərxonə elani əsosi sionistə işğalqərə  silohinə ğıvvə  Rəfəh şəhrədə Fələstinıjə avərəon vırə kardə məhəlli 10 qılə mərkəzisə veyə vıronış bombardımon kardə ki nəticədə 190 nəfərisə veyə fələstinıj şəhid bedən.