İlham Əliyevi de Nikol Paşinyani Albaniya didor

May 16-də İlham Əliyev de Ermənistoni Sər Vəzir Nikol Paşinyani Albaniyadə Avropa Siyosi İbemoni 6-mınə qırdemonədə vindemon kardəşone

İlham Əliyevi de Nikol Paşinyani Albaniya didorMay 16-də İlham Əliyev de Ermənistoni Sər Vəzir Nikol Paşinyani Albaniyadə Avropa Siyosi İbemoni 6-mınə qırdemonədə vindemon kardəşone.Azərboycon və Erməniston lideron vindemon rəsmi proqramiku bə kəno, ğeyri-rəsmi şəkilədə səş qətə.Paşinyani ıştə “Facebook” səhifədə de Əliyevi vindemoni besədoə video pevolo kardəşe.Paşinyani həmən bə Azərboyconi “İctimai Televiziya” sualon cəvob doəşe.Əy, bə muxbiri “Ermənistoni Konstitusiyədə kardə təğyiron çərçivədə bə Azərboyconi ərozi iddio bə muddəon bekarde” – suali cəvobədə, nuə konstitusiya loyihədə jəğo maddə nıbe bəyon kardəşe.Ermənistoni Sər Vəziri, Azərboyconi Konstitusiyadən bə Ermənistoni ərozi iddion hıstin, əmmo əvon ın məsələ ros kardənin, çumçoko, bə roziəti omə sulh muğavilə loyihədə ın məsələ həll be ğeyd kardəşe.Paşinyan ATƏT-i Minsk qrupi ləğvi band problem nıvinde, əmmo ımi de sulh muğavilə imzo kardə fəxt mumkün be hisob kardedə.Azərboycon Xarici Koon Vəzorəti sıxanəkə Ayxan Hacızodə Paşinyani votəyonış tənğıd kardə, çəy beynəlxalq ictimoiyyəti qij karde bəyon kardəşe.Hacızodə Ermənistoni Alma-Ata bəyonnomə darışte və Konstitusiya təğyir nıbə sulh muğavilə beetibo bəmande votəşe.Azərboycon və Erməniston martə manqədə sulh sozişi mətni ro bə roziəti omən, əmmo Azərboycon Ermənistoniku Konstitusiya təğyir karde və Minsk qrupiku beşe tələbon noe ro sazişi imzo karde dırozə-dumo kardə.