De Rusiyə vositə,Erməniston iyən Qurcıstoni miyono reylsə xətton rabitəon bəyji kardey

De ım vıcud ki Amerkə və çəy mıttəfiğon vey cəhd kardışone ki de Rusiyə Ermənistoni rabitəon ğət bıkon əmmo co kərə İrəvan və Moskva rəsmi şəxson, qıləy vey muhimmə mevzu barədə de yande təvafuğ kardışone.

Bə hosil bıə təvafuğon əsos ki de Rusiyə iminnə vəziri muavin, Aleksey Overçuk iyən Ermənistoni iminnə vəzir, Mehr Qriqoriyan vositə əncom bıə, Rusiyə osınə ro şirkəti mıtəxəssison Ermənistoni daxılədə, iyən Erməniston və Qurcıstoni miyono reyls xətton rabitəon obəqardoneyro ıştə ko bino kardışone.

Həminə barədə, Rusiyə iminnə vəziri muavini sıxənəvot, Andrey Matoyef bə jurnaliston votışe: Ermənistoni cəmiyətiro vey muhimmə məhsulon təmin kardeyro de diğğət bə osınə ro əhəmiyyət, Rusiyə devlət, osınə ro xətton tojədən obod kardeyro ehtiyocinə moli mənbəon ixtisos bədoe.

Əv ijən təsdiğış kardə: Rusiyə mıtəxəssison har ko əncom bədon ta vey rə zəmonədə, de həmmə dınyo Ermənistoni reyli rabitəon tojədən obod bıkon.