İrəvoni bə İroni de Ermənistoni osınəro dəçokney təkidış kardə

İrəvoni devlət co kərə bə İron Ermənistoni reylsə xətton dəçokney xoto, osınəro icod bey plani ıştə koədə ğərorış do.

Həminə cəhətədə, Ermənistoni devlət ıştə oxonə iclosədə bə ğərol omə ki bə şimol-cənub osınəro təsis kardey xoto, qıləy kumitə icod bıkon. 

Ğəror heste ki ım kumitə bə İron Ermənistoni osınəro dəçokney mevzu təğib bıkon. ehanə bə İron Ermənistoni osınəro xətton dəçokney plan əncom bıbu, ım Cənubi Ğəfğazi baxşədə bıə kişvər  de kamə xərc, iyən vey kırt və vey iğtisodi royku bə beynəlxalğə ozodə ovon dastış bərəse.Həğiğətədə Ermənistoni vəomə iğtisod de şiddətin bə ım plani vabəstəy.

Ermənistoni iğtisodi ali məğomonku qıləyni, Tiqran Serkisiyan vottəşe: osınəro bə Erməniston icozə bədoe ta enerji mənbəon və co qılə məhsulon ovoştoniyero bə beynəlxalğə roon dast peydo bıkon.