Tırkiyə: de israili vositə, Fələstini işğol de etnik pok kardey və canqi cinoyəti bə icoe.
Tırkiyə xarıci vəzir votışe: de israili vositə, Fələstini işğol de ğovmi pok kardey, canqi cinoyət, avarə bey iyən təcavuz bə ico iyən bənav şe holədəy.
Bə Anatoli raporti əsos, dəvardə rujədə, Rusiyə poytəxt, Moskvaədə BRİKSi dustə kişvəron və BRİKS-i uzv bıə kişvəron xarıci vəziron mıştərəkə iclos bərpo be ki çəy kənoədə,Tırkiyə xarıci vəzir Hakan Fidan ım iclosi kənoədə, qıləy iclosədə de işorə bə hodisəoni ki Milodi 2023 minnə sori Oktyabrə manqi ku icod be və bə dınyo hakımiyət ım hodisəon təsiri votışe: bə çand nəfəri dıdiməti xoto, 37 həzo nəfəriku vey Fələstini şəhid bin, çand milyon nəfər avarə bin və komil surəti məhv bey holədən.
Tırkiyə xarıci vəzir ijən bəyonış kardə: demi həm ki dəvardə 8 manqi mıddətədə ə çi ki həmmə kəson çəşon vədə Ğəzzədə dəvardedə nışoş do ki erjon iyən ğanunon məhv bin.
Əv ijən əlovəş kardə: bəpe icozə mədəmon ki beynəlxalğə nəzm de 2curnə standardon idorə bıbu və bəpe beynəlxalğ rabitəonədə, veyə həmkoəti və diplomatiyaku himoyə bıbu.
