Erməniston: de Azərbaycan Respublika stabilə sulh oxonə mərhələdə ğərorış qətə.
Ermənistoni xarıci vəzir de Azərbaycan Respublika stabil və daimə sulhi barədə ıştə umu nışoş do.
Bə Çoşəmbə ruji Anatoli aqentiyəti raporti əsos, Ermənistoni xarıci vəzir Ararat Mirzoyan de işorə bə ım ki bo de Azərbaycan Respublika sulh sazışi navnıvışti rəsey oxonə mərhələdə ğəror qətəmone işorəş kardə: İrəvani rəsmi şəxson etığadışon heste ki bə qıləy torixi sulh rəseyro kamə zəmon mandə ki karde bəzne məntəğədə bə qıləy stabilə sulh bırəsəmon.
Mirzoyan de bəyone ım i Erməniston təəhudış kardə ki de Azərbaycan Respublika ıştə sərhədon təyin və rabitəon normal bıko ijən əlovəş kardə: ım ğərol bə Buko 2tərəfinə rəftor vabəstəy.
Ermənistoni xarıci vəzir ijən de işorə bə ım ki İrəvan pidəşe de məntəğə rabitəon barədə həmmə maneon peqəto və ım maneon bənə cari sulhi muzakirəonku i baxş və bə komilə ehtıromi əsos məntəğə inkişofi vəomə hisob bıkon. əv ijən votışe :Cənubi Ğəfğazədə 2tərəfə zumand bıə həmkoəti mehkəmə sulhi icod bey boyis bıdə.
