Rusiyə Duma sədr: BRİKS-i uzvon dollari bə kəno bənon

Rusiyə federasiya devləti duma sədr, de bəyon ım ki Amerkə milli pul zəhəyne, təkidış kardə: n fəğət Rusiyə, bəlkəm co qılə kişvəron əcumlə BRİKS-i qrupi uzv bıə kişvəron həm dollari puli bə kəno bənon.

Bə İran Peres aqentiyəti raporti əsos, zinə, Viçeslav Valodin ıştə Teleqram kanalədə nıvıştəşe: çımiku bənav dınyo kişvəron diğğət kardəşon be ki Amerkə rəsmi şəxson ıştə milli puliku bə co kişvəron bənə siyosi əbzor istifodə kardedən.

Əv ijən bə Moskva ələyh Vaşinqtoni sanksiyaon reaksiyaədə əlovəş kardə: Amerkə de bə Rusiyə moli muəsisəon ələyh sanksiyaon əncom doey vositə, bə dollar etımod kardey bənə qıləy dınyo zımhori vəluta zəifış kardə.

Viçeslav Valodin ijən əlovəş kardə: ım məhdudiyəton Amerkəro nəzərdəqətə bıə təsiri nibənoe.