Fələstini İslomi Mığovimət Hərəkoti (HƏMAS) çe Ermənıstoniku ğədrdonəti

Fələstini İslomi Mığovimət Hərəkoti (HƏMAS) çe Ermənıstoniku ğədrdonəti

Fələstini İslomi Mığovimət Hərəkoti (HƏMAS) çe Ermənıstoni Fələstini bənə qıləy mıstəğilə devləti zıney istiğomətədə fəoliyyətış barz qəte.bə İRNA cımə ruji doə xəbə əsos;HƏMAS de qıləy bəyoniyyə çe Ermənıstoni Fələstini bənə qıləy mıstəğilə devləti zıneyro şodə qəmış təşviğ karde və bəyonış karde:əmə ın ğədəmi bo Fələstini milləti həxon beynəlxalğə iştimoiyyəti tərəfiku zıneyədə mehkəm kardey,sehyoniston çəvon sərzəmini işğali bə oxo roney iyən çəvon tələbon bə vırə rosney cəhətədə de Ğudsi poytaxtəti bə komilə severənəti malik qıləy mıstəğilə kişfəri icod kardeyro bənə qıləy nevbəti iyən muhimmə qəmi vindedəmon.

HƏMAS bın bəyonatədə ijən həm çı dınyo devlətonku çe Fələstini xalği bə işğalçiyə sehyonist rejimi ələyh bıə mıborizə dastək doey iyən bə Fələstini milləti zidd tuməbıri və etnik pok kardey dəvom doə ın cinoyətkorə rejimi təcrid kardero analoji tədbiron vindeyış tələb kardə.Ermənistoni Xarici Koon Vəzərotxonə zinə (cımə) ruji de qıləy bəyonati,İrəvani çe Fələstini devləti zıneyış elon kardə.çımi bənav Avropə seqlə kişfər İspaniyə,Sloveniyə iyən İrlandiyə bə seonist rejimi Ğəzzə tanqədə kardə cinoyəton cəvobən,Fələstini devlətışon bə rəsmiyyət zıneşone.