Tırkiyə Xalğ Respublika partiya çın kişvərədə referendumi nəticəon botil bey tələbış kardə.

Çı Tırkiyə Xalğ Respublika partiya rəsmi forma bə ım kişvəri səçın aliyə şura qıləy məktob vığandə ijən səçınədə hevuj və ziyodə ğeyri ğanuniyə rəftoron xoto referendumi nəticəon botil bey tələbışon kardə.

Çın partiya muavin "Erdal Ak Sonqer" zinə toj referendumədə hevujə ğeyri ğanuniyə hərəkəton barədə sənədonış bə Tırkiyə səçın aliyə şura təğdimış kardə ijən kişvərədə səçın və referendumi nəticə ləğv karde pidəş bıə.

Əv votışe: 57 həzo qırdə əkə(cəm əkə) vırəonku bə 2 həzo nızi vırəonədə anədə ğeyri ğanuniyə hərəkəton və referendumədə dast dənoe əncom bıə.

Tırkiyə Vətən partiya həm bə səçın aliyə kamissiya muraciət kardeku xəbəş do və çandə ğeyri ğanuniyə prosesi dəvoniye barədə məlumatış doə, ım partiya həm səçıni nəticəon ləğv bey tələbış kardə.

İjən çı Tırkiyə vəkilon onemon və Avropa təşkilat həm Tırkiyədə tojə bərpo bıə referendumi barədə təhğiğ karde tələbışon kardə ki qırd dıvləti tərəfiku rəd bıə.

Çı Ankara və Itambul Şəhri cəmaəton və bə referendumi nəticəon etıroz əkəyon həm ıştə aksiyaonədə bə Tırkiyə tojə səçıni çoknə dəvoniye etırozışon kardə.

Jıqonə etırozon qıləy vəziyətdə əncom bıdə ki Rəcəb Təyyeb Ərdoğan çın kişvəri prezident refrendumi bəpeştə ıştə tojə mısohibədə elanış karde ki ım nəticə Tırkiyədə diktatorəti boiys ni bəbe.

Zinə elan bıə ki Tırkiyədə referendum de 51 faiz mısbətə sədo ğeyd və təsdiğ bıə.