Bokuədə Kərimə Ğıron və itrəti nımayeşqa obə.
Dəvardə rujiku Kərimə Ğıron və itrətı nımayeşqah bokuədə bıə İron İslam Respublika səforəti mədəniyə mərkəzi Şəhriyar nomo bıə mədəniyə kədə obəy.
Bə İRNA xəbon əsosi ım nımayeşqah okarde mərasimədə beynəlxalğə koonədə islamiyə inğilabi yolə rəhbəri dəftərxonə muavin iyən Azərbaycan Respublikaədə bıə vəliyye fəğih nımayəndə seyd Əli Əkbər Ocağnejad və Azərbaycan Respublikaədə bıə ironi səforətxonədə mədəniyə məsul şəxs Əsğər Farsi huzurışon be.
Əsğər Farsi ım mərasimədə votışe:çı nımayeşqah hədəf ki mubarəkə rujə manqi 23-ə ki ğədrə şəvonku heste cıvonon və məxsusən Azərbaycan Respublika cıvonon de Kərimə Ğıronı mədəniyyət iyən muarif oşno karde və əy təbliğ kardeye.
Bokuədə bıə ironi səforətxonə mədəniyə məsul şəxsi əlavəş karde ım nımayeşqahədə mıxtəlif devrəonku kərimə ğıroniku 250 cild cur bə curə əndozəon iyən şikilon iyən zıvononku bə nımayeş noə bə.
