Minsk qrupi rəison de İlham Əliyev mıloğatışon kardə.
-
Minsk qrup hələ həm Erməniston və Azərbaycan Respublika sərhəddonədə bohrani həl kardəş ni.
Çı Avropa həmkari və əmniyyət təşkilati Minsk qrupi rəison Bukodə de İlham Əliyev mıloğatışon kardə.
Bə Azərbaycan Respublika prezidenti məlumat ərosə mərkəzi raporti əsos ım mıloğatdə məvuji iştirok əkəyon Ğərəboği barədə çokə sulhinə roonku istifodə karde barədə sohbət kardeşone.
Estefan Viskonti, İqor Popov və Riçard Hoqlənd çı Minsk qrupi Fransə, Rusiyə iyən Amekəvıjə rəison həminə mıloğatdə huzurışon be.
Minsk qrupi rəsmion Erməniston və Azərbaycan Respublika sərhəddonədə daveon dəvom peydo kardeku ıştə niqərani elanışon karde və təkidışon kardə ki de beynəl xalğiyə ğanunon bərobər Ğərəboği bohrani həl karde çın təşkilati əsliyə i minə koon və siyasəton heste.
Ğərəboği bohran 1988 minə soriku bino bıə ijən bə vey kontrol nıbıə mərhələon rəsə.
Minsk qrup ki otəş basti bəpeştə 1994 minə soriku bə bohrani sulhin sorətdə həl karde dəşə hələ həm ım bohrani həllış kardə ni və ijən çı Erməniston və Azərbaycan Respublika sərhəddonədə bohran və daveon mışohidə bıdə.
