Azərbaycan Respublikaədə dini və məzhəbiyə fəaliyəton ujnən məhdud bəbe.

Azərbaycan Respublika prezident İlham Əliyev çın kişvəri məclesi tojə təsdiğ bıə ğanuni imzoş kardə; ım ğanundə dıvlətiyə mərkəzoni bənə Ğəfğaz Mısılmonə Ruhanion İdarə karde bəznın bə ruhanion məzhəbiyə fəaliyəton nəzorət bıkən.

Bə Tolışi Rədio raporti əsos çın ğanuni qıləy maddonədə bə Ğəfğaz Mısılmonə Ruhanion İdarə icozə doə bəy ta manopoliya surətədə tələbəon bə xaric bıvığandi ijən dini elmon və məzhəbi koşınason mıbodilə kardero de co kişvəron həmkari bıkə.

Bə həminə ğanuni diyə karde mışohidə bıdəki hətto xarıci şəhrvandon ijən əvoni ki Azərbaycan Respublikaədə dərs handəşon ni və ya xot Ğəfğaz Mısılmonə Ruhanion İdarə bəvon icozə doəş ni çın kişvərədə bo dini təbliğonro həxışon ni.

İlham Əliyev de həminə ğanuni təsdiğ karde bois bıə ki xaricədə dərs handə ruhanion ijən bo dini rəsm və adəton dəvoniyero həm icozəşon məbo və fəğət Ğəfğaz Mısılmonə Ruhanion İdarədə dərs handə kəson de məxsusə nəzorət və icozə kişvərədə dini fəaliyətonədə məşğul bıbon.

Prezident Əliyev ijən bə dıvlat əmrış kardə 3 manqi mıddətdə ım sahədə co ğanunon isloh və təsdiğ bıkə.

Azərbaycan Respublika kişvərədə har ruj dini fəaliyəton çı dıvləti şiddətinə nəzorəti çerçivədə məhdud bedə.