İron və Azərbaycan Respublika mədəniyə həmkarətion inkişaf doeyu bıə roon təhlil karde.
İroni mədəniyyət vəziri mətbuatiyə muavin və Azərbaycan Respublika mədəniyyət və turizm vəzir bə 2 qılə məmləkəti mədəni və mediyaiyə həmkarətion inkişaf doe işarəşon karde.
Bə telerədyo aqentəti xəbon əsosi ironi mədəniyyət vəziri mətbuatiyə muavin Huseyn Entezami zinə Boku şəhrədə de Azərbaycan Respublika mədəniyyət və turizm vəziri Əbulfəzl Ğarayevi təşkil doə vindımonədə votışe: mediyaiyə əlağon inkişaf 2 qılə məmləkəti mətbuaton və mediyaon miyonədə hovəlığəti icod karde həmçinin əlağon inkişaf 2 qılə məmləkəti mediyaiyə heyəton səfəri icod kardeədə İron və Boku mediyaiyə heyəton səfəri hədəfonku elan bə.
Huseyn Entezami mədəni və mediyaiyə əlağon inkişafış mıxtəlif sahonədə 2 qılə məmləkəti əlağon inkişaf doeyu muhimmış zınə və əlavəş karde İron de Azərbaycan Respublika məmləkəti mıxtəlif baxşonədə məxsusən mədəni və mediyaiyə əlağon inkişaf doe domoədəy.
