Tehron və Boku miyono turizm sahədə həmkarion zumand bəbe.

İroni islamiyə irşad və mədəniyyət vəzarətxanə məlomat ərosən və mətbuat moavin Bokuədə de prezident Əliyevi siyasi və iştimaiyə mıvzoon məxsusə məsləhətçi mıloğat karde cərəyonədə 2 qılə kişvəri miyono turizm sahədə həmkarion zumand karde tələbış kardə.

Hussein Entezami ım mıloğatədə bə Tehroni hozzo mande mədəni və mediya sahədə əloğəon ziyod karde təsdiğış kardə ta 2 qılə kişvəri şəhrvandon bo turistiyə xidmətonro zərfiyətonku oşno bıbon.

Azərbaycan Respublika prezidenti siyasi və iştimaiyə mıvzoon məxsusə məslehətçi Əli Həsənov həm ım kişvərədə İroni mədəniyə haftə dəvoniyeku xəbəş do ijən votışe: mədəni və mediya sahədə Buko de İron əloğəon vey kardero dılış heste.

Həminə mıloğatdə Azərbaycan Respublika mətbuat milliyə şura rəis Əflaton Amaşov və Azərbaycan Respublikaədə İroni səfir Cəvad Cəhanqirzadə həm huzurışon bıə.

İroni islamiyə irşad və mədəniyyət vəzarətxanə məlomat ərosən və mətbuat moavin və dəy həmro bıə heyət bo qıləy 4 rujiyə səfəri xoto bə Azərbaycan Respublika varid bıə ijən de ım kişvəri turizm və mədəniyyət vəziri mıloğatış kardə.