Zərif de Tacikıstani prezident vindımonış kardə.
-
Zərif Mərkəzi Asiya Əmniyət iyən İnkişof iclosədə iştirok bəkay.
İroni xarıci vəzir Muhəmməd Cəvad Zərif iyən Tacikıstani Prezident İmam Əli Rəhman Duşənbədə de yane miloğat iyən votımon kardışone.
Bə FAES Aqentiyəti raporti əsos, 2 tərəf ım vindımonədə dəvardə mığoviləon icra karde mijən iğtisodi-ticariyə əloğəon inkişof, sərmoyə noe, enerji, nəğliyat, ditəsərufat iyən sənaye sahədə həmkariyon barədə sohbət kardən.
Zərif və Rəhman Duşənbədə bıə İron və Tacikıstoni miyono omə ticari-İğtisodiyə həmkarion mıştərəkə iclosi əhəmmiyəti barədə təkidışon be.
İroni xarıci vəzir iyən Tacikıstani Prezident ijən dınyo və məntəğə təşkilaton çərçivədə de terrorizm və radikalizm mubarizə barde xoto həmkarion inkişofi pidəşon bıən.
İroni xarıci vəzir Muhəmməd Cəvad Zərif ki Tacikıstani rəsmi şəxson dəvəti bərobər bə ım kişıvər səfərış kardə, çimiku bənav de Tacikıstani xarıci vəzir Siracu-Didin Əslov həm vindımonış kardə be.
De muxtəlif rəsmi şəxson mulağat karde bə kəno, Zərif ğərole maştə Mərkəzi Asiya Əmniyət iyən İnkişof nomo bıə iclosədə iştirok bıku.