Ozbəkıstan çı İroni nati hırye pidəşe.

İroni nat vəzir elanış kardə ki Ozbəkıstan çı İroni nati hırye xoto tələbon elanış kardə.

Bə İrna raporti əsos Bijən Namdar Zənqənə ımruj Tehronədə çı Ozbəkıstani i minə vəziri moavin Əlişir Soltanevi vindemoni bəpeştə elanış kardə ki Taşkənd çı İroni nati hırye kənoədə İroni nat və nat kimiya sənayeədə sərmoyə noero hozzoe.

Zənqənə təsdiğış kardə ki nati hırye karde bəzne 2 qılə kişvəri miyono bo həmkarion inkişofi xoto vey çokə hərəkət və i minə ğədəm bıbu ijən İron İslam Respublika karde bəzne ım sahəku de Ozbəkıstan rabitə və əloğəon hevuj bıkə.

Çı İroni şimal Şərğədə bıə kişvər Ozbəkıstan de Əfğanıstan, Tacikıstan, Turkəmənıstan, Ğəzaxıstan və Ğırğızıstan mıştərəkə sərhəddonışe iyən təğribən 33 milyon cəmiyəti xıvande.