İron Amerkə hərəkətış ğudsı ğətnamə veto kardeyu məhkumış karde.

İron İslam Respublika xarici koon vəzorətxonə sıxanəvoti zinə şanqo ğudsı barədə Misr məmləkəti məsləhət doə ğətnamə veto kardeş məhkum karde və ım hərəkətış beynəlxalğə sulh və əmniyyətiku kəni və fələstinı milləti həxi bə lınqi ji noeş zınə.

Zinə şanqo İ bə milləton təşkilati əmniyyət şura 14 qılə uzvi mısbətə sədo kənoədə bə misri məmləkəti məsləhət doə bıə ğətnamə ki ğudsı barədə be Amerkə ım ğətnaməş veto karde.

ım ğətnamə nav nıvıştəyonədə oməy ki  har qılə ğərol və hərəkət ki  mığəddəsə ğuds şəhri şəxsiyyət və cəmiyyəti tərkibi əvəz kardeyu bıbo huğuğiyə təsirış ni və bəpe bə İ bə milləton təşkilati ğətnaməon muvafiğ ləğv bıbon.

ım ğətnamə nav nıvıştəyonədə həmmə məmləkətonku tələb bəy bə əmniyyət şura 478-ə ğətnamə əsosi Ğuds şəhrədə səforətxonə və sonsol mərkəzi diplamatikə nımayəndəqion təsis karde mumkin ni və bə əmniyyət şura ğətnaməon əməl kardeədə çəyku kəno heç qıləy əməl  əncom bənin ni.

misrı ım ğətnamə nav nıvıştəyonış şanbə ruji 15 qılə uzvi miyonədə baxşış karde və İ bə milləton təşkilati əmniyyət şira zinə şanqo ım muvzo barədə qıləy iclosış bərpo karde.

Bə Fars aqentəti xəbon əsosi Bəhram Ğasımi ıştə sıxanon dəvomədə əlavəş karde Amerkə de ım ğətnamə sobotış karde de sulhinə roon fələstinıjon ğanoniyə həxi poymol karde domoədə.