İroni mudafiə vəzir: deşmın çı İroni nıfuzi məhdud karde fikədəy.

İroni mudafiə vəzir votışe: deşmın ısət bə ım nəticə rəsəy ki İroni təhdid karde nibəzne və ıştə tojə strateqiyaonədə mizi səpe roonku sıxən nibəkay.

Bə İrib ımrujnə raporti əsos qeneral mayor Əmir Hatəmi İroni ərtış fərmondəon iclosədə bə deşmənon ədəbiyat və çoknə sıxən karde vey şiddətin bey işorəş kardə ijən votışe: de İroni inğilabi bərəkəti ısət İroni nıfuz çı dınyo ozodtələbon dılədə ziyod be və hol ım ki deşmın vabəstə kişvəronədə bıə hakimonış cəzb kardə.

Qeneral Hatəmi təsdiğış kardə: İron hejo məntəğə və dınyoədə sulh və oromtəti tələbış kardə və hol ım ki deşmın canqi sayədə bəştə faydon bə dast varde və silohon çoknə həvote fik kardedə.

İroni Ərtışi fərmondə qeneral mayor Əbdu Rəhim Musəvi ım iclosədə bə İroni tədbironçı İroni inğilab nizomi mudafiə karde işorəş kardə və votışe: de siyonist xəbisə rejim və Amerkə cinoyətkorə kişvəri təhdidon mığovilə karde İroni ərtışi vəzifəonin.