Şiəyon 11-nə İmomi milad ruji ğeydiyat.

Imruj hecri ğəməri Rəbiosani manqi 8-nə ruj və de İmom Həsəne Əskəri(ə) milad ruji ğeydiyat bərobəre.

Həzrəte İmom Həsən Askəri(ə) hecri ğəməri 232-nə sori Rəbiosani manqi 8 Mədinədə bə dınyo omə.

Ə Həzrət de şiə əndişəon bəyon karde dini şək-şobhəon məhv karde ijən islam dini oqəte və inkişofədə vey cəhdış kardə ta meydon bo Həzrəte Ağa İmom Zəmon(əc) ğəybətiro hozzo bıbu.

Şiəyon 11-nə İmom kərim ğıroni təfsir əkə be və ıştə İmoməti Əsrədə çoknə ım osmoniyə kitobi təfsir karde barde təlimonış bə cəmaət yodış do ijən bəvon mıjdeş do ki Munci zuhuri bəpeştə islam dini vey aliyə erjon bəji karde imkonış bəbe.

İmom Həsən Askəri ıştə hırdənti əsrədə şiəyon 10-nə imomi elmi və mənəviyə çəşməku istifodəş kardə ijən 22 sorti sinədə İmom Hadi(ə) şəhodəti bəpeştə bo 6 sori mıddət(yəni detosə şəhodəti faxti) imomət və velayət məğomi bə ohdəş qətə.

Şiəyon 11-nə imomi əsrədə Əbbasi hakimonku Motəz, mohtədi və motəmed həm hejo bəştə zulm və sitəmon dəvom dodən əmmo ə Həzrət çandə məhdudiyəton jentonədə de çok və səhihə təlimon bə mısılmonon oğoəti və vəhdət əlovəş kardə.

Bə həminə idə ruji aid zinə şəviku İroni muxtəlifə vırəon əcumlə Ğomədə şoə mərasimon de mərcə təğlidon İroni Yolə Rəhbəri aparati sədr iyən muxtəlifə addi cəmaəton huzuri kərimə Əhli Beyt(s) Xanım Həzrəte Məsomə(s) hərəmədə bərpo be.

İjən İroni Rəşt şəhri Tolışi Rədioku əkəyon tərəfiku ımrujnə ruji bə şımə təbrik ərz kardedəmon.