Amerkə iyən əcnəbiyə mediyaon suistifadə ironi milləti hərəkətonku.

Amerkə rəsmi şəxson və əcnəbi iyən bə inğilabi zid mediyaon ironi milləti tojə hərəkətonku ki bəzi vəsiləon ğeyməti rost be vədə etiraz kardeyu təşkil bə suistifadəşon kardə və fəaliyyət kardən ım hərəkəton bə no oromətion tərəf hidayət bıkən.

Dəvardə 2 rujədə ironi çandə qılə şəhrədə bəzi şəhrvandon ki maliyə muəssisəonədə mali ziyanonışon vində ıştə ziyanon oqırdıneyu iyən bəzi vəsiləon ğeyməton rost be vədə şoarışon doə və devləti zəifə nəzorətiku ıştə noroziətişon elan kardə və etiraz kardeyu bə xiyabanon beşə bin ki bəzi noşınas iyən osyançion de nakonə bərnamon əsosi ım hərəkətışon bə nooroməti tərəf hidayətışon karde və bə can qılə devlətiyə mərkəz iyən bankon hucumışon barde.

Amerkə devlət osyançionku  tərəfdarəti kardeədə coqlə məmləkətonku dəvətış kardə ki qoya ironki millətiku tərəfdarəti bıkən.

Amerkə ğərbi və Səudiyyə Ərəbıstonı mediyaon həm fəaliyyət kardən ironi bəzi şəhronədə cəmaəti ım hərəkəton siyasi nışon bıdən.

ironi xarici koon vəzorətxonə sıxanəvot zinə ironi daxili koonədə Amerkə rəsmi şəxson bə arə dəşe vədə reaksiyaş nışon do və elanış karde ironi millət bə Amerkə rəsmi şəxson 2 dim və suistifadə kardeyu bıə sıxanon əhəmmiyyət nibədon.