Əmmar Həkim: İroni Şəhidə Rəhbər qıləy komilə şəxsiyətışon hest be

İraği milli hekməti cərəyoni rəyis Nəcəf və Kərbəlodə İroni İslomiyə İnğilobi Şəhidə Rəhbəri pokə bədəni təşi barədə votışe: Həzrəte Ayətullah Xameneyi pokə bədən bo təşi kardey bə İrağ, de qıləy kişvəri rəhbər nomi ovaştoney bəbe.

İraği miili Hekmət cərəyoni rəyis sey Əmmar Həkim de milləti Şəhidə Rəhbəri təşi və vido mərosimi mınosibəti de Əlaləm şəbəkə mısuhibədə çəy siyosiyə jimoni cəhəton və dınyo iyən İroni səviyədə İnğilobi Şəhidə Rəhbəri təsir noe və şəxsiyəti xususiyəton iyən muhimmə indeksonş bəyon karde. əv votışe: İslomiyə İnğilobi Şəhidə Rəhbər komil bin və qıləy komilə şəxsiyətışon hest bı ki, bə elmi, fiki, mədəni, iştimoyi, əmniyəti və siyosiy mıxtəlif cəhəton şomil bedəbe.