Ğasımi: İron çı Amerkə beməxə hərəkətonış nıtfəku məğlub kardə.

İroni xarıci vəzarətxanə sıxənəvot votışe: ıştə sərneveşti mıəyyən kardero İroni milləti iştirok və meydonədə huzur həmişə çı Amerkə beməxə siyasətonış nıtfəku məğlubış kardə.

Bəhram Ğasımi zinə xəbəiyə iclosədə Amerkə veyə cəhd İroni əmniyyəti vılo karde ijən çı Tehroni əmniyyətiyə iclosi barədə votışe: İronədə əmniyyəti problemon icod kardero Amerkə deşmənçiyə siyasət həmişə məğlub bıə.

Ğasımi dəvardə i sori mıddətdə çı Amerkə dıvləti xarıci siyasəton məğlubiyəti bə yod vardə ijən votışe: Tramp çı məntəğə bohranon ziyod əkə əsliyə amile.

İroni xarıci vəzarətxanə sıxənəvot İronədə tojə fitnəon barədə ijən Əmniyyət Şuradədə Amerkə zay və be abro bey barədə votışe: Əmniyyət Şuradə bə Trampi ne vote xarıci sahədə iyən məntəğə və dınyoədə bo Amerkə dıvlətiro co qılə məğlubiyət be.

İroni diplomatiya idarə sıxənəvot əloğəş kardə: umum iştimaiyət və Əmniyyət Şura sabitış kardə ki tojə əsrədə ijən bə Amerkə itoət karde mənoş ni.

Ğasımi İroni ətomiyə təvafuği barde həm votışe: İronədə bo Amerkə həmmə ğərol və hərəkətonro lozimə ehtımaliyə reaksiyaon nəzər dəqəte bəy.

Ğasımi həmçınin bə Brusel İroni xarıci vəziri səfəriku xəbəş do və votışe: Zərif Avropa i bemoni vırədə de Moqirini və Almaniya və Britaniya və Fransə xarıci vəziron vindımon bəkay.

İroni xarıci vəzarətxanə sıxənəvot Çin və İroni iğtisodiyə rabitəon barədə həm votışe: çin çı İroni vey muhimmə ticariyə şərikone ki tikəy mığoviləonədə bohranon karde nibəzne muxtəlifə sahəonədə əloğəon vədə mane bıbu.

Bəhram Ğasımi İrağədə məclisi səçıni barədə həm çı İraği stabiləti və əmniyyəti İroni tələb ijən ğomom və məzhəbon miyono dustiyəti çı İroni orzu elanış kardə.

Əv İroni nat tankeri barde həm təsdiğış kardə ki vəziyət hələ bohraniye və Çinədə İroni səfarətxanə çı İroni dıyovonon vəziyəti dumoədəy.