Xərrazi:ğərb suriyədə tojə fitnə dumoədəy.

İron İslam Respublika xariciyə əlağon ıstratejikə şura rəis votışe:bə Suriyə zid canqi meydonədə deşmenon muvəfəğ nıbe fitnəqərə hərəkəton bə oxo rəse məno ni və ğərb coqlə fitnə dumoədəy.

Kəmal Xərrazi zinə şanqo dəməşğədə de Suriyə bəs partiya rəisi muavin Hilal Əlhilal təşkil doə vindımonədə votışe:Suriyə  canqi meydonədə Amerkə Turkiyə və terroriston tərəfo bəzi problemonış heste ki ommidvarimon ım məsəlon bı nezonədə həl bıbon.

ironi xariciyə əlağon ıstratejikə şura rəis bə Suriyə muxalifə məmləkəton nufuz karde ihtimal ım məmləkəti mədəni və ixtisadiyə məsəlonədə işarəş karde və votışe:Suriyə bə ixtisadiyə inkişaf ehtiyociş heste boçimi əsosi bəzi məmləkəton mincumlə Səudiyyə Ərəbıston və İ bə ərəbon əmirəti de mıxtəlif roon  suriyədə nufuz karde domoədən.